Organizasie DKZ
De organizasie van de Dörpskwis Zjwame is in henj van ein veertal personen die geholpe waere door ein groot aantal vriejwilligers. Zónger de hulp van dees vriejwilligers kin de DKZ neet doorgaon.
Wilt geur zelf mit helpe es vriejwilliger? Naem den gerös kontak op mit Edwin.
Steffie (Verbeek)
Ich bön al jaore 25 jaor!
Oppe Boekoel opgegreuijd en vanaaf mien 10e in Zjwame gaon wone (mit get kleine oetsjtepkes).
't Vriewilligerswerk is der mit de paplaepel ingegaote, ich bön al vanaaf mien 13e actief in Zjwame, begonne biej KVW (30 jaor volgehaaje....), mer auch mit de Kemmunie georganiseerd, actief biej DES en nao jaore mit te höbbe gedaon, noe auch actief biej de organisatie van de Dörpskwis.
Ich haop veur genog leuke oetdaginge te verzinne, en alle trucjes die ich zelf toepaste, noe te kinne doorzeen... 😉
Pascal (Perriens)
Website / FB / samesjtelling wirkbook / team- en sjeesopdrachte
Woon al ruum 25 jaar in Zjwame. bön getrouwd en höb 2 kinjer. Kóm oorspronkelijk oet Remunj, (bouwjaor 1970) en nao get omzjwervinge door Braobantj oeteindelijk in Zjwame terech gekómme.
Bön veurzitter van Volleybalvereniging S'62 en organiseer daonaeve al jaore 't Sinte Merte feest in Zjwame.
Geur kint mich mesjiens ouch van de Erpelkes wó ich 22 jaor es DJ oppe buun höb gesjtaon.
Biej de Zjwamer Revuu 2022 óngersjteunde ich de regie door het technisch dreijbook te maken en zörgde ich veur de achtergrondjbeelde.
Edwin (Stevens)
Orizjineel bön ich geine 'Zjwamer jóng', mer woon al waal ruum 25 jaor in Zjwame. Geur kint mich mesjiens vanoet de Hopsjlokkers, es leiding KVW of van de Bontje Aovindj. De Zjwamer kultuur moog neet verlaore gaon en daoróm bön ich in 2018 begós mit de Dörpskwis Zjwame.
Zo es 't motto van de DKZ al zaet, doon ich gaer dinge same. Mit " 't Hert ónger de reem" óngerstjtrepe veur det heel gaer. Es organizasie, mer ouch mit os teams en sjponsors.
Sanne (Derks)
Es echte sjpelkesfanaat, doon ich al jaore mit aan de dörpskwis, en bön ich heel fanatiek. De sjeesopdrachte vinj ich zelf altied 't leukste. Vanaaf dit jaor (2025) gaon ich helpe om dees sjoon kwis mit te organisere.
Ich vinj 't leuk óm den auch get extra's te kinne doon veur de kinjer en jeug in Zjwame. Zelf bön ich moder van 2 kinjer, en zeen ich det die net zo fanatieke sjpelers zin, es ich zelf.
Boete de dörpskwis, höb ich auch jaore mitgeholpe es 'blauwe' biej KVW, bön ich vriejwillger op ós zjwumbad, en zit ich sinds kort in de organizasie van de Wanjel 4-daagse.
In de tied dae ich euver höb, werk ich es financieel medewerkster, en bring ich gaer tied door mit mien femilie en vriendinne.
Jack (Munnichs)
Gebaore oppe Boekoel in 1962, maar woon al meer es de helf van mien laeve in Zjwame. Bön getrouwd en höb 2 dochters.
Bön meer es 45 jaor lid van Volleybalvereniging S'62, wo ich diverse functies höb bekleid; van besjtuurslid technische zaken, trainer, coach toet sjeidsrechter en natuurlik sjpeler. Veur S'62 jaore 't (keuniginedaag-)vollebaltoernooi georganiseerd.
Es lid van de Hopsjlokkers organiseer ich elk jaor, same mit de angere ZOK-leje, de Zjwamer Optoch en wirk ich mit aan de oetgave van 't Kuulköpke, de Zjwamer vastelaoves glossy.
