Organizasie DKZ

De organizasie van de Dörpskwis Zjwame is in henj van ein veertal personen die geholpe waere door ein groot aantal vriejwilligers. Zónger de hulp van dees vriejwilligers kin de DKZ neet doorgaon.
Wilt geur zelf mit helpe es vriejwilliger? Naem den gerös kontak op mit Edwin.

DKZ-besjtuur_1
DKZ_Wiel

Wiel (Leppers)

Wèdsjtriedsikkertariaat

In 1950 gebaore in Zjwame.
Getrouwd, 3 kinjer en 6 kleinkinjer.

Meer es 50 jaor besjtuurservaring in vereiniginge en stichtinge zowaal lokaal, regionaal es nationaal.
Deilgenaome in organizasies in Zjwame en (inter)nationaal.
Letste jaore veural assistensie verleendj aan organizasies/evenemente, wobiej de opbrings veur ei good doel is.

DKZ_Anke

Anke (Maassen)

Grafisch ontwerp / samesjtelling wirkbook / team- en sjeesopdrachte

Ich woon same mit mien kat Luca in Neel sinds 2020, mer daoveur höb ich in Zjwame gewoond. In miene vrieje tied bön ich gaer creatief bezig o.a. mit sjildere en teikene, grafisch ontwerpe en ich haaj heel väöl van kaoke.

DKZ_Pascal

Pascal (Perriens)

Website / FB / samesjtelling wirkbook / team- en sjeesopdrachte

Woon al ruum 25 jaar in Zjwame. bön getrouwd en höb 2 kinjer. Kóm oorspronkelijk oet Remunj, (bouwjaor 1970) en nao get omzjwervinge door Braobantj oeteindelijk in Zjwame terech gekómme.
Bön veurzitter van Volleybalvereniging S'62 en organiseer daonaeve al jaore 't Sinte Merte feest in Zjwame.
Geur kint mich mesjiens ouch van de Erpelkes wó ich 22 jaor es DJ oppe buun höb gesjtaon.

Biej de Zjwamer Revuu óngersjteun ich de regie door het technisch dreijbook te maken en veur de achtergrondjbeelde te zörge.

DKZ_Edwin

Edwin (Stevens)

Sjponsoring en penningmeister / Hert ónger de reem / samensjtelling wirkbook / team- en sjeesopdrachte

Orizjineel bön ich geine 'Zjwamer jóng', mer woon al waal ruum 25 jaor in Zjwame. Geur kint mich mesjiens vanoet de Hopsjlokkers, es leiding KVW of van de Bontje Aovindj. De Zjwamer kultuur moog neet verlaore gaon en daoróm bön ich in 2018 begós mit de Dörpskwis Zjwame.
Zo es 't motto van de DKZ al zaet, doon ich gaer dinge same. Mit " 't Hert ónger de reem" óngerstjtrepe veur det heel gaer. Es organizasie, mer ouch mit os teams en sjponsors.